Ki Pulit ka Jylla Meghalaya mynta ka Sngi ki la pynlong ia ka seminar ba shisngi ha State Convention Centre Shillong ha kaba iadei bad ka jingshah rah bor ki khynthei.
Ha Kane ka sngi la ia don lang u Deputy Chief Minister u Bah Prestone Tynsong, ka Dr Mazel Ampareen Lyngdoh, Myntri ka Tnad Aiñ, Ka Director General Of Police ka Idashisha Nongrang bad kiwei kiwei ki Heh Pulit ka Jylla bad ki Nongshah Khot Sngewbha.
Haba ai kren ha kane ka jingialang na ka liang u Bah Prestone Tynsong u la ong ba ka jingshah rahbor ha ka Jylla ka ju jia na ka na ka por sha ka por bad baroh ki Jylla ki mad Ia Kane ka mat, Kane ka mat ka ju jia man ka khyllipmat.
Shuh Shuh u la ong ba ka jingpynlong Ia kane ka Seminar ka long kaba donkam eh ban tehlakam ia kane ka kingkhaïi ne rah bor Ia ki khynthei, khyllung, khynnah bad kiwei kiwei. U la pyntip ruh ki don ki aiñ jong ka sorkar Jylla bad ki aiñ jong ka sorkar kmie ba ngi hap ban peit bniah bad pyntreikam ia ki katkum ka jingdonkam ha ka Jylla.
Haba ai jingkren kum ka Symbud Kongsan ka Dr Mazel Ampareen Lyngdoh ka la ong ba ym dei ban pyndem bad dei ban trei khambha ban iada ia ki briew na lane ka kam rah bor, ka la ong ba kam shong kli kti bad ka la kyntu Ia ka Tnad Pulit ban shimkhia ia kane ka mat bad ka aiñ kan treikam lut ia baroh kiba leh kam sniew.
Na ka liang ka Sorkar ka kyntu ia baroh ban iatreilang ban tehlakam na kino kino ki kam sniew khnang ban wanrah ia ka jingshongshngaiñ ha ka Jylla.