Ka Jowai City YMCA ha ryngkat ka jingkyrshan ka ophis jong ka District Social Welfare Officer, West Jaiñtia Hills District mynta ka sngi Thohdieng kila pynlong ïa ka prokram ai jinghikai ban ïada na ka jingpynïap dalade ïalade halor ka phang kaba ong “Mental Health” ha ka jingïalang bala pynlong ha District Library Auditorium Mynthong, Jowai.
Ha kane ka sngi na ka liang ka kong A.P Syiem, DSEO ka West Jaiñtia kala long ka kongsan haka jingdonlang ki dkhot ka Jowai City YMCA naduh u President ma John R. Chullai, u ma Shamir J. Thabah, nalor ki khynnah skul bad ki nonghikai kiba la wan ban ïashim bynta lang.
Na ka liang ki riew shemphang kila ai jinghikai bniah ha kane ka sngi halor kane ka bynta Mental Health” kiba kynthup naduh u ma Ewanmio Majaw bad i Dr. E. Dan, hadien kane la ïoh ruh ka jingïaphylliew jingmut bad ki khynnah skul.
Ha kane ka sngi la sam ruh ïa ki khusnam sha ki khynnah skul kiba jop haka jingïakop dro dur (Drawing) halor ka phang “Mental Health” ha kaba ïa ka nam ba nyngkong (1st) la ïoh da u Khroo Challam na ka skul Q.C Springside H/S School, ba wan ba ar (2nd) u Ioowanki Lamare na ka H.K Singh Memorial Secondary School bad ba lai (3rd) da u Wankitbok Passah na ka KJP Synod Hihngi Higher Secondary School, Jowai.
Haba pynkut ïa kane ka prokram ai jinghikai la ïoh ki kyntien ai khublei na u Rev K.L Khonglah member ka Jowai City YMCA bad la pynwai ïa ka jingïalang da ka jingduwai na u Rev. G.S Shullai General Secretary ka Jowai City YMCA.
