Ka District Legal Services Authority (DLSA), West Jaiñtia Hills District lyngba ka National Legal Services Authority kila pynlong ïa ka prokram ai jinghikai shi bynta naka jingrakhe ïa ka “International Labour Day” kaba la long ha kane ka 1 tarik u Jymmang, 2024 ha shnong Mynsngat, West Jaiñtia Hills District.
Ha kane ka prokram la ïoh ka jingkren maitphang da u D. Rymbai, Front Office Coordinator, DLSA, Jowai uba la pynïaid ruh ïa ka jingïalang, katba u E. Surong, Secretary ka shnong Mynsngat ula ai ki kyntien pdiang sha baroh ki nongwan ïashim bynta kiba la don 50 ngut baroh.
Na ka liang ki Resource person, ki kynthup ïa i C. Nartiang, Legal Aid Counsel iba la kren halor ka kyndon aiñ “Labour Laws”. U bah B. Sohkhlet, Labour Inspector ula kren halor ka “Minimum Wages Act, 1948”. Katba u ma C. Laloo, Labour Inspector ula batai halor ki skim bapher bapber kiba hap hapoh ka tnad Labour.
Hadien jong kane ka prokram la don sa ka jingïaphylliew jingmut lang hapdeng ki nongwan ïashim bynta bad ki riew shemphang, ban ioh jingtip khambniah halor ki kyndon aiñ, ki skim bad ka bai nong jong ki nongtrei.
La pynkut ïa kane ka prokram da ki kyntien ai khublei da ka kong S. L. Phyllei, Chief Legal Aid Defense Counsel.
