Ka Juvenile Justice Committee, jong ka High Court of Meghalaya ha ka jingiatreilang bad ka Department of Social Welfare bad ka Department of Health and Family Welfare ha ka 5 tarik mynta u bnai kala pynlong ia ka State Level Consultation Programme on Children in Conflict with Law: Prevention, Fair Trial and Rehabilitation ba shi sngi ha Auditorium jong ka High Court of Meghalaya.
U Justice Sanjib Banerjee, Chief Justice, jong ka High Court of Meghalaya ula long u kongsan ha kane ka sngi ha ka jingiadon ryngkat u Justice H. S Thangkhiew, Judge, High Court of Meghalaya cum Chairperson, Juvenile Justice Committee, High Court of Meghalaya, u Pravin Bakshi, Commissioner & Secretary, Social Welfare Department, u Sampath Kumar, Principal Secretary, Social Welfare Department, Dr H. Lyndem, Director of Health Services nalor kiwei de.
