Ka NSS Cell jong ka NEHU kala pynlong ia ka jingialehkai Yoga ba shi sngi mynta ka sngi ha Community Hall, NEHU kum shi bynta ban sdang ia ka jingrakhe ia ka International Yoga Day ka ban sa long ha ka 21/06/2022.
Ia kane ka prokram la pynlong ryngkat ka jingiatreilang bad ka Meghalaya Yog Samiti, Shillong bad la wan ban iashim bynta da kiba bun ki NSS Volunteeer na ki college bad jaka pule bapher bapher jong ka nongbah Shillong.
U Prof. S.B. Prasad uba dei u Vice-Chancellor Incharge ula long u kongsan bad u bah F. Rumnong ba dei u State NSS Officer, Government of Meghalaya ula long u symbud kongsan.
Ia kane ka prokram la pynlong ruh kum ka jingbud ryntih ia ka Common Yoga Protocol bala btah da ka Ministry of Ayush. Kala don ruh ka jingai jinghikai halor ka phang Yoga Asanas.
Ia ki kyntien pdiang la ioh na I Dr. M.M. Khemdeit, NSS Programme Coordinator, NSS Cell, NEHU. Katba ia ki kyntien ai khublei la aid a I Dr. S. Kharmawphlang, NSS Programme Officer, NSS Unit, NEHU, Shillong.
La pynkut ia ka prokram da ka jingsam ia ki syrnod sha baroh ki nongiashim bynta da I bah F. Rumnong, State NSS Officer, Government of Meghalaya, Shillong.
