U Deputy Commissioner jong ka East Khasi Hills District, u S.C. Sadhu, IAS, uba dei ruh u Chairman jong ka District Disaster Management Authority (DDMA),East Khasi Hills, u la pynmih ïa ka hukum ba dei ban khang lut ïa baroh ki skul hapoh ka District lashai ka sngi (28.5.2024), na ka daw jong ka jingwan lynshop jong ka erïong Remal bad ka jingwan jong u ‘lapbah ha ki bynta jong ka District bad ka jylla hi baroh kawei kaba la sdang naduh ka 27 tarik haduh 28 tarik mynta u bnai.