Ka Deputy Commissioner & Chairperson (DDMA), East Khasi Hills District ka la pynmih ia kane ka jingbtah paitbah ba namar ka jingjur jong u slap ha kine ki khyndiat sngi kine harum ki long ki lad jingiada:
Ki nongshong shnong ki dei ban long ki ba phikir ban iada ialade namar ka jingshlei um ka lah ban jia hadien jong u lap bah khamtam ha ki jaka ki ba harud jong ki wah bad ki wah duid.
Kiar na ka ba jam ia ki wahduid, ki nala bad ki wah haba don ka jingshlei um.
Wat tur ne niah ia ki kali haba don ka jingshlei um bad kiar na ki post electrik ban lait na ka jingshah bat ha ki bor electrik.
La kyntu ia ki paitbah ban kiar na kaba jam ia ki wahduid bad ki wahbah ha ka por bajur slap.
Kiar na ka ba tur sha ki wah duid, ki wah bad ki kshaid.
La kyntu ia ki paitbah ban kiar na ka ba jam sha shiliang ki wah bah ne iaid lyngba ki um kiba tuid. Phim thikna ia ka bor jong ka bad ka um ka ba jyndong bad tuid sted ka lah ban pynkyllon ia phi.
Ki jingai jingmut na ka bynta ki jingshngaiñ ha ka por ba leit khwai bad ba leit sha ki rud wah
Khmih bha ia ka jinglong ka suiñ bneng shuwa ban leit khwai doh lane sah kai ne iaid kjat sharud ki wah.
Iathuh ia ki ba ha ïing ne ki paralok – shano phin leit bad lano phin wan phai.
Khmih bha ia ka um namar ka lah ban kylla ha kano kano ka por.
Wat tur ruma sha ki jaka bym shngaiñ kum ki bynta ba jylliew jong ka wah, ki maw ba syntuid bad ki jaka ba jyrsieh.
Phong ki jaiñ phong ba pynper bad rah ki tiar iada ryngkat bad ka synduk dawai.
Phong ki juti ki ba ia dei ha wah bad bym pyn syntuid.
Khmih bha ia ki maw harud wah namar ki lah ban syntuid khamtam ha ka por slap.
Khmih bha ia ka jinglong ka um shuwa ban khwai.
Wat leit khwai marwei leit ryngkat bad ki paralok.
Wat dih kyiad ne jingdih ba pynbuaid ha ka por ba khwai dohkha.
Wat jngi sha ki bynta ba jylliew jong ka wah.