Ka Meghalaya Board of School Education (MBOSE) mynta ka 5 tarik u ïaiong kala pynmih ia ka Result jong ki khynnah ialeh Matrik ne class X na ka bynta u snem 2025.
Ka long ka burom ba khraw ia ka Rilum Jaiñtia haba ka West Jaiñtia Hills District ka la long ka District kaba don bun ngut eh kiba pass bad ki la poi haduh 96.03%, sa kawei ruh ba kawei na ki khynnah pule jong ka skul North Liberty Higher Secondary School, Jowai ka Avila Kathrene P Lyngdoh kala long kawei na ki ba wan ha ka 1st Top Twenty.
Ka District kaba ar kaba bun kiba pass ka dei ka Eastern West Khasi Hills 95.54%, bud sa ka South West Khasi Hills 94.93%, ka East Khasi Hills 92.54%, East Jaintia Hills 92.40%, ka West Khasi Hills 90.50%.
Ka Ri Bhoi da don 89.33% kiba pass, South Garo Hills 88.32%, West Garo Hills 80.50%, East Garo Hills 80.31%, North Garo Hills 75.76% bad ka South West Garo Hills 74.77%.
Baroh ki khynnah kiba ialeh ia kane ka Exam ki don 63,682 ngut, na kine kiba pass ki don 55,473 ngut, kumta ka jingpass jong ki khynnah ka long 87.10 %.
