Ka dong Barato-A, ka dei ka dong kaba la pynlong ia ka jingiaseng KJP Synod Mihngi mynta u snem 2022, ka la pynpaw ia ka jingsngewnguh kaba khraw ia baroh ki ba la shim bynta ban pyndap pynbiang bad iarap ha baroh ki jingdonkam ha katei ka jingiaseng.
Na ka liang u ma Experience Timung uba long u Waheh Dong jong ka Dong Barato-A ula ai ka jingkhublei ia ka tnad PWD kaba la pynbiang ia ka lynti ka syngkieng bad ka surok ba la lait na ki jingsahkut kali, ia ka tnad Pulit kaba peit ia ka traffic, ia u MLA ka 4-Mookaiaw u ma Nujorki Sungoh uba la shim ia ka jingkitkhlieh ia katei ka kam naduh u snem 2019 ban pynbit pynbiang ia ki jingdonkam haduh ba la dep ka jingiaseng Synod.
Ka Dong Barato-A ka la pynpaw ka jingsngewnguh ia ka tnad PHE kaba la pynbiang ia ka umbam umdih, ia ka tnad MeECL, ia ka tnad ka koit ka khiah bad ia baroh kito kiba la iarap bad snoh kti lang naduh ki barit haduh kiba khraw, kynthup ki nongialam paitbah kum u ma Nehimaya Tyngkan u ma Robinus Syngkong bad ia u ma Sniawbhalang Dhar u ba la iarap ban pynshna ia ka pandal ha katei ka jingiaseng.
Ka Dong ka ai khublei ruh ia u MDC ka Sahsning u ba la iarap lang ban pynbit pynbiang ha katei ka jingiaseng Synod. Na ka liang u ma E.Timung u la ai ka jingkyrkhu kyrdoh ia u MLA ka 4-Mookaiaw u ma N. Sungoh ba un ioh da ka met kaba koit kaba khiah ba un nang lah ban shakri shibun ki kam ha kaba iadei bad ka imlang sahlang bad ka Constituency hi baroh kawei. Ka jingkhublei ka long ia baroh kiba la shim bynta ban iatrei lang naduh ki khun ka shnong ka thaw bad ka balang Katholic kaba don hapoh ka shnong bad ia ki Department bapher bapher.