Ka Akhil Bharatiya Vidyarthi Parishad (ABVP) Meghalaya ka la ioh ban ia kynduh ia ka Director General of Police of Meghalaya, i kong Idashisha Nongrang. Ia kane ka jingleit iakynduh la ialamkhmat da u State Secretary Shri Tengku M.Marak, ba la synran lang da u Joint Secretary bah Bomsing Khongtir, NEC Member Miss Promila Tham.
Ha kane ka jingiakynduh, la iatai bad mir jingmut shaphang kiba bun ki kam ba ka ABVP ka leh hapoh ka jylla Meghalaya bad kumjuh ruh ha ka Ri hi baroh kawei. U Tengku M.Marak u la batai shaphang ki kam jong ka ABVP kum ka World’s largest students organization, u la batai ruh ia ki jingpyrshang bad ki jingtreikam ha ka ban kyntiew ia ka jingbha jingmiat jong ki samla bad ki khynnah pule jong ka Ri ha ka ban iarap ia ki samla ban don ia kata ka mynsiem ieid ia la ka Ri.
I kong Nongrang i la pynpaw ruh ia ka jingsngewnguh ia ki kam ba ka ABVP ka la leh bad i la pynpaw ruh ba na ka liang ka Meghalaya Police ka la long kaba la kloi ban ia treilang bad kane ka seng ki samla pule, khnang ban tei ia ka lawei babha jong ki khun samla.
