Ki bor Pyniaid District jong ka East Jaintia Hills District, mynta ka sngi jong ka 12.07.2023, ki la ioh ban pynpra ne pynbthei bomb ia ki katto katne tylli ki karkhana saiñ dewiong ne ki Coke factories kiba la trei beaiñ, hapoh ka thaiñ East Jaiñtia.
Mynta ka sngi la pynbthei ia ki ar tylli kiba kum kine ki karkhana kawei ka dei ka M/S Halari Coke Plant kaba don ha Pohrasong bad ka M/S Shauyansi Coke ha Wah Samsier kiba hap hapoh ka Elaka Sutnga.
Ha kane ka sngi la iadon lang ki tnat sorkar ba kynthup ia ka tnat Pulit napoh SP office, na ka Meghalaya State Pollution Control Board bad na ka District Commerce and Industries Centre, East Jaintia Hills District.
Kane ka jingpynduh ia kine ki karkhana beaiñ kan dang bteng shuh ha kine ki sngi ban wan la pyntip ki bor District.
