Ka seng FKJGP-Khliehriat Circle ka pynrem jur ia u Train Phawa halor ka jingshah shoh shahdat bad pynmynsaw ia ki arngut ki nongialam shnong ka Shnong Tuber Kmai Shnong, East Jaiñtia haduh ba ki la mynsaw bad poi Hospital bad shah suj haduh 5 ksai. Kitei ki ba shah pom da u sdie ha ka miet 3/01/2024 u dei u Micky Lyngdoh uba dei u Waheh Shnong ka Shnong Tuber bad sa u Wei uba kyrteng u Denis Lyngdoh uba bat ia ka kam Secretary IVCS bad ha kajuh ka por udei ruh u Chairman ka Seinraij Tuber Kmai Shnong.
Katei ka jingjia kadei tang namar ba ha katei ka miet 11:30 ka don ka jingia huri hura hapoh shnong hapoh thaw ha kaba kitei ki nongialam Shnong ki ioh jingtip ia katei ka jingia huri hura, da ka jingthmu ban leit tem ia katei ka huri hura hynrei ynda kila wan ki la shah pom pynbam da u sdie ha u Train Phawa, ka seng ka sngewkhia ba ha kine ki sngi ki briew kim burom shuh wat ia ki Nongialam Shnong ruh haba iadei bad katei ka jingjia ladep buh ia ka FIR da u para jong u Waheh Shnong u Chelang Lyngdoh.
Katkum ka jingtip jong ka seng utei u Train Phawa ula dep ioh ia ka Interim bail ka ban kut haduh ka 12/01/2024.
Nakaliang jong ka seng ka kyrpad jur ia u Public Prosecutor uba na kaliang ki nongujor ban pynkhlaiñ ka jingiakhun hapoh Kashari khnang ba hadien ka 12/01 u tei uba shah kynnoh um dei shuh ban lait na kti ka Aiñ bad ha kajuh ka por ki Pulit kim dei ban ailad ia kum kitei ki briew ban ioh interim bail biang namar ba lada ailad kan long kum ka jingpynshlur ia kiwei pat ban leh kam sniew pynkut ka kyrwoh na ka Seng FKJGP.
