Ka seng HNYF Thadlaskeiñ Circle bad ka Dorbor Shnong Myrjai kila pynpaw ia ka jingpynrem kaba jur halor ka jingshah dkat jubor jong ka jingim u wei u samla ba la tip kyrteng kum u (L) Kyrshandame Talang khun jong i kong Ladmon Talang ba shong ba sah ha shnong Mopliang kaba hap hapoh Thadlaskeiñ Block ha ki riew thrang snam ki bym shym lah ban ithuh.
Kane ka jingjia kala jia ha ka miet jong ka 10/03/2024 haba une u Kyrshandame hadien ba ula wan bylla ula shong kai bad ki paralok ha kawei ka dukan ha Mosdai hadien nangta ula mih na katta ka dukan lem bad ki paralok ban leit phai sha la ïing hangta ki nongsakhi kila ioh i khatduh ia u. Ha ka step jong ka 11/03/2024 la lap pynban ia ka met iap jong u da ki katto katne ngut ki briew ba u thiah iap lyngkhuid ha lyngkha kba.
Ka seng HNYF ka phah ia ka khubor sngewlem sha kiba haïing hasem une u samla kumjuh ka kyrpad ia ka aiñ bad ngam jylliew khnang ba uwei uba don kti ban dkhat jubor ia ka mynsien ba luilui un ym lait na kti jong ka aiñ.