Ka Hynñiewtrep National Youth Front (HNYF) West Jaiñtia Zones ka pynrem jur ia ka jingleh meinah ki nongtrei ka MCH Hospital Jowai haduh ban da poi u pud jong ka jingkhlad noh ka kong Pynchei Bareh ryngkat bad i khun ba dang don hapoh ka kpoh.
Ka Seng ka pynpaw ba ka kong Pynchei Bareh kaba dei ka na shnong Jalaphet, East Jaiñtia Hills kaba don 7 ngut ki khun jong kala ieh noh ia ki shadien mynta hadien ka jingkhlad jong ka mynhynnin ka sngi ha ka por 9:30 mynmiet ha MCH Hospital Jowai tang na ka daw bym treh ki Doctor bad ki Nurses ban peit ban sumar ia ka. La iathuh ba wat lada ki nongap jong katei ka longkmie kila pyrshang ban leit pan jingiarap hyntrei hynrei ki staff nurses bad ki doctor ki la tim la tla pynban ia kiba ha ïing kiba ap hospital ia ka.
Ka seng kan leit dawa na ka sorkar ban wengkam shi syndon ia ki doctor ki nurses kiba don duty ha katei ka sngi namar khnang ban ioh jingbishar hok kitei ki longiing. Ka seng ka dawa na ka sorkar dei ban ai jingiarap khamtam ban pynnang pynstad ban ai bam ai dih ia ki Hynniew ngut ki khun jong ka Pynchei Bareh haduh ba kin da la heh la san bad ba kin da nang ban trei kam hi dalade.
Kane ka long katkum ka kyrwoh ba la pyllait da u Vice President ka HNYF, West Jaintia Zone u bah Convener Ryngkli.