Haka jingiadei bad ka jingjia shah pynïap jong kawei ka longkmie ka kong Ailem Bamon, kaba la jia ha 9 tarik mynta u bnai, 2024 halor kane na ka liang ka seng HYC lyngba u Secretary u bah R. Lamare ka la pynrem jur ïa kum kine ki jingjia kiba la jia hapoh u pud u sam jong ka shnong Sahsniang.
Na ka liang ka HYC lyngba kane ka khubor ka pynrem jur ïa kino kino ki briew kiba leh ia kum kine kam jong ki riew thrang snam, haka juh ka por ka seng ka maham tyngeh ruh ïa kum kine ki jait briew bad dawa jur na ki bor jong ka aiñ ba dei ban pynshitom tyngeh kat kum ka aiñ ia kiba donkti ha kaba shim jubor ia ka jingim jong ka (L) Ailem Bamon.