Ka jingleh ba heh ka Star Cement bad ki Driver jong ka ba klem kheiñ shuh ia ka jingim briew na liang jong ka seng Jaintia Women Council (JWC) ka dawa mardor ban kem shisyndon ia kiba don kti ban pyniap ia u Sngiawlang Suchiang da kaba shu leh dusmon ia u da kaba tynrah ia u da ka truck ka ba don ia u number: ML11A 3162 kaba la niah da u Sailangmi Dkhar.
Katkum ka jingtip jong ka seng u ne driver truck naduh Lad JUD u la sdang ban leh khlem akor da kaba break shisyndon ia ka truck ha kata por bad u Sngiawlang Suchiang ruh u ba dei u nongniah ia kali Bolero camper u la pynshang ban ia kren bad u ne driver truck hynrei um sngap satia bad ynda poi hapoh star Cement ha ka gate ba nyngkong u la pyrshang biang ban ia kren sngewthuh ia u tei driver truck hynrei um treh satia ban ia kren bad ha kata por une nongniah truck u la race shisyndon ia ka truck jong u bad tyngrah ia u Sngiawlang Suchiang haduh ban da khlad hashen.
Kane ka jingleh jong une u nongniah truck riew thrang snam ka dei ka kam pyniap briew (murder) bad ka jingaimon ka star cement ia ki driver jong ka, ka long haduh ban pyniap briew ruh long hi namar ka pynshlur ia ki driver da kaba ai bai trip system na kata ka daw ki driver kim kheiñ shu ia ki briew kiba iaid ha surok.
Na ka liang ka JWC ka dawa ia ki bor jong ka aiñ ban kem shisyndon ia utei u driver truck bad dei ban pynshitom kat kum ka aiñ khnang ba ym jia shu kum kine ki jingjia basngewsih. Kane ka long katkum ka jingpyllait khubor jong ka kong Ebansara Lamare President bad ka kong Nica Lapasam Secretary Central Executive Council, JWC.