Ka National People’s Youth Front (NPYF) West Jaintia Hills District kala pynpaw ka jingpynrem jur halor ka jingsiat pathar jong ki Pulit Assam kaba la wanrah ka jingduh noh jong ki mynsiem briew jong ka shnong Mukroh, West Jaintia Hills District kaba la jia hynnin ka sngi (22/11/2022).
Ka NPYF kala pynrem jur ia kane ka jingle riewkhlaw jong ki Pulit Assam bad ki Forest Guard jong ka Assam kaba la ktah shibun ia ka jingsngew jong ki nongshong shnong ka jylla Meghalaya baroh kawei. Kumta kala dawa ba dei ban pynshitom ia kito kiba donktei ha kane ka jingsiat iap ia kitei ki nongshong shnong bad dei ban pynioh ia ka hok jong ki. Ha ka juh ka por ka kyntu ia ki bor ba dei peit ban wanrah ia ka jingshong suk shong shngaiñ ia baroh ki nongshong shnong nangne shakhmat.
Ha ka juh ka por ka NPYF ka phah ka jingsngewlem sha baroh ki longïing kiba la duh noh ia ki dkhot jong ki bad kumjuh kala kit bor kit rwiang ia kito kiba don hapdeng ka jingmynsaw jur ba kin ioh koit kloi. Kane ka long katkum ka khubor bala pyllait da u E. Lyngdoh, District President bad W. Paweth, General Secretary ka NPYF, West Jaintia Hills District.