Ka Seng 8-Shnong Aquatic Life & Environment Protection Council (East Jaiñtia Hills District,793160) ka la pynrem jur ia ki briew kiba pynbthei bomb (dynamite) ia ki dohkha kiba don ha ka wah “Prang” kaba don hapoh East Jaiñtia Hills District.
Ka jingpynbthei bomb dusmon ki briew ha ka tei ka wah kala pyniap lut ia ki doh um doh wah kiba don hapoh jong katei ka wah. Kane ka jia la jan man la ka sngi. Kumta ,na ka liang jong ka seng ka la maham jur ia ki briew kiba leh dusmon ba kin sangeh noh ia ki jingpynbthei bomb dusmon ha katei ka wah bad ka seng kan leit peit syntiat man ka por ia katei ka wah khnang ba kan ioh ban kem ia ki briew kiba leh dusmon bad ba kan aiti sha ka tnad Fishery jong ka Jaiñtia Hills Autonomous District Council ba kan pynshitom ia ki kat kum ka aiñ.
Kumjuh ruh ka seng kala kyrpad jur ia ka JHADC ba Kan shimkhia ha kaba iadei bad kane ka kam da kaba phah ia ki briew jong ka ban leit peit syntiat ia ka tei ka wah khnang ba kin ym don shuh ki ban pynbthei bomb ia katei ka wah bad lada dang don ruh ban ioh kem ia ki.
Ka seng kala phang lang hangne ia ki dur jong ki dohkha kiba la iap ba per ha sla um na ka daw ka jingpynbthei bomb dusmon jong kitei ki riew dusmon.