Ka Little Angels Secondary School, Jowai ha kane ka 9 tarik u Jylliew hapoh ka jingpynïaid jong ka Doly Lamare, Guide Captain kila pynlong ïa ka jingpynrung dkhot ‘Enrolment & Investiture Ceremony’ na ka bynta ki khynnah skul kiba kwah ban long kum ki Scouts-Guides.
Ha kane ka prokram la wan ban sakhilang da u ma Ohiwot Laloo, District Commissioner Scouts, West Jaiñtia Hills kum u kongsan, ka Chwadaka Laloo, District Commissioner Guides kum ka symbud kongsan ha ka jingdonlang ka Principal jong ka skul ka kong E.E. Laloo, Chairman School Managing Committee Dr. Khonglah, ki nonghikai bad ki khynnah skul.
Ïa ka jingïalang la pynïaid da ka Doly Lamare, Guide Captain, la ïoh ka jingkren pdiang da u Dr. Khonglah, Chairman SMC, la ïoh ruh ki kyntien ai mynsiem ïa ki khynnah skul na ka kong Chwadaka Laloo bad na ka kong E. E. Laloo, Principal Little Angel’s School, Jowai.
Katba u kongsan ma Ohiwot Laloo ha ka jingkren ula pynkymmaw ïa ka bynta ba ha khmat eh jong ki khynnah Scouts-Guides ba kin ïada ïa ka mei mariang bad ki sawdong sawkun jong ka, ula kyntu ïa ki khynnah skul ka Little Angels School ba kin kynmaw manla ka sngi ïa ka sngi pynneh pynsah mariang ne ka ‘World Environment Day’.
Ïa ka bynta ba kongsan jong ka Bharat Scouts & Guides ban ai sha ki khynnah Scouts la pyndep da u Adiam U Bthuh, District Secretary MBS&G West Jaiñtia Hills, katba ïa ki khynnah Guides la pyndep da ka Doly Lamare, Guide Captain Little Angel School, Jowai.
