Ha ka jingleit wad jingtip jong ka Jaintia Tribal Trader Association (JTTA) na u Executive Engineer PWD (Building) mynta ka sngi (26.11.2021) halor ka jingsangeh pyntrei ia ka Iawmusiang Shopping Complex la bun bun bnai ki dkhot jong ka seng kila ioh jingtip malu mala ba kane ka jingsangeh trei ka dei na ka daw ba ka sorkar kala pynsangeh ia u Contract ba pyntrei ia katei ka iew.
Na ka liang jong ka JTTA kala buh da ka jingthoh mynta ka sngi ha utei u EE ka PWD (Building) bad mynta ka dang ap ia ka jubab ka ban sa ioh lyngba ka jingthoh na utei u EE. Wat la utei u EE um pat ai ia ka jubab kaba paka da ka jingthoh hynrei ha ka jingiakren ktien u la pyntip ia ka seng ba ka jingsangeh pyntrei ia ka Iawmusiang Shopping Complex ka dei na ka daw ba ka sorkar kala pynsangeh shwa ia u Contractor uba pyntrei ia katei ka iew ha kine ki por ba la dep. La iathuh ruh ba ka sorkar kan sa khot Tender biang da ka wei na ka bynta ka jingpyntrei ia kane ka iew.
Ka seng kan ap shwa ia kine ki jingthmu jong ka sorkar bad lada ka sorkar kam shim khia ha ka jingiadei bad ka jingpyntrei noh ia ka Iawmusiang Shopping Complex na ka liang ka seng kam ban se ban shim da kiwei pat ki lad ki lynti ban pynbor ia ka sorkar iathuh u ma I. Najiar President ka JTTA.
