Ka Additional Deputy Commissioner jong ka East khasi Hills ka Kong J M Umdor ha ka 09 tarik Kyllalyngkot 2025 ka la pynsangeh noh ia ka Public hearing ha Nonghali hadien ka jingshah khanglad ha ki Nongshong shnong jong ki 15 shnong.
Shuh shuh ka la ong ba na ka liang ki bor Pyniaid District kiba peit ia ka shongsuk shongsain hadien ka jingiakren sngewthuh bad ki 15 shnong na ka liang jong ki bor Pyniaid District ki la pynsangeh noh ia kane ka Public hearing bad la kyrpad ruh na ka liang ki bor pyniaid District ba kin ia pynbeit sha la ki shnong khnang ban ioh pynlong biang ia kane ka public hearing bad na ka daw jong ka jingbym lah ban pynlong ia kane ka public hearing la pynsangeh noh shwa.
Na ka liang u Bah S Syiem Environment Engineer jong ka Meghalaya Pollution Control Board u la ong ka Ophis jong ka Pollution Control Board ha ryngkat bad ka Ophis jong ka Deputy Commissioner East khasi Hills ki la thmu ban wan sha kane ka Shnong Nonghali ban pynlong ia ka jingpynsngew Paidbah bad shwa ban poi sha ka shnong ka la don ka jingshah pynsangeh bad na ka liang ka Ophis jong ka Deputy Commissioner bad ka Ophis jong ka Pollution ki la leh katba lah katkum ka ain bad ngi la pyntip shwa ka 20sngi ha ki kotkhubor phareng bad khasi bad ngi wan shane ban pynlong ia ka public hearing bad ka la don ka jingpynsangeh ha ki katto katne ki shnong bym shah ia ngi ban leit sha katei ka jaka bad na ka liang jong ka Ophis jong Deputy Commissioner bad Ophis pollution ngi la leh katkum ka ain ba la buh ha ka EIA Notification 2006 bad ka ammendment jong ka 2009.