Ka District Legal Service Authority jong ka East Khasi Hills District ka la pynlong ia ka Prokram pynsngewthuh mynta ka sngi ka 12 tarik 2024 ban pynsngew sha ki nongshim bynta halor ka jingdon ki lad jingiarap Aiñ khlem jingsiew na ka bynta ki briew kiba ngat ha ki kam runar, kiba kynthup ia ki kam leh beijot, pyniap briew, ki kam thombor, bad kiwei kiwei.
Kane ka jingïalang kaba la pynlong ha Shillong Law College, ka la wan lum lang ïa ki Doktor, ki Nongtrei Anganwadi, ki Nongtrei ASHA, ki nongïalam shnong, ki Para-Legal Volunteers (PLVs), bad kiwei kiwei ki nongshong shnong. U Dr. VGK Kynta u la long kum u Resource Person, ha kaba u la ïalam ïa ki jingïakren halor ki phang bapher bapher kum ka Meghalaya Victim Compensation Scheme 2022, ka Motor Accident Claim Tribunal, ka bynta jong ka District Legal Services Authority, bad ka POCSO Act.
Kane ka jingialang ka thmu ban hikai ia ki nongiashim bynta shaphang ka jingkyrshan aiñ bad ki lad ki lynti kiba lah ban ioh na ka bynta ki nongshah lehbeiñ.