-Mana ïa kino kino ki kynhun ban nym tuklar ïaki kam hapoh shnong khlem da ïoh jingbit shwa-
Ka Dorbar Shnong Khimusniang, (DSK) Jowai naduh ki snem kiba mynshwa kala ïa kren bad kyrpad ïa ki bor sorkar na ka por sha ka por ha kaba ïadei ban, Repair ïa une surok ban leit sha ka TP ka P.H.E, Ban pyndep ïa u surok ba dang sahteng Scheme Synod 2008, Etc. bad ban shna ïaka Reservoir Tanky kaba heh ban supply sha ki tankys kiba don ha ki kyntoid bapher bapher jong ka Dorbar Shnong, da kaba leit ïa kynduh bad kine ki rangbah naduh u Deputy CM Prestone Tynsong Minister i/c PWD, Etc u Samlin Malngiang Minister Incharge, Public Health Engineering, ha ka snem 2019, sha u ma Wailadmiki Shylla Local MLA bad u E.E. Electrical P.H.E. bah Paul Synnah.
Lyngba u local MLA bunsien ka shnong kala leit ïa kynduh bad ïa kren na ka por sha ka por ïa kane ka kam bad ki Schemes jong ka Shnong bad u local MLA u la ong ruh ïa ka shnong ha u snem 2024, ba u dang ïai bud dien ïa kane ka kam na ka por sha ka por.
Na ka liang jong ka Dorbar Shnong Khimusniang, Jowai ka dap da ka jingkmen bad ka jingsngewnguh ïa u local MLA ba don burom uba la trei shitom ban pynïoh ïa ngi ïa kane ka Reservoir Tanky kaba la dep ruh ban shna sa tang ban pyndonkam. Ha kaba ïa dei bad kitei ki surok ki dang ïai ap ïa ka khubor na u MLA ba un pyntip sha ka Dorbar Shnong Khimusniang ba kin pyntrei noh ïa ki. Hynrei kaba pynsngewsih ïa ka Dorbar Shnong Khimusniang ban tip bad ïohi lyngba ki media bad ki kot khubor ban tip ba u Minister P.H.E. U Marcius N Marak ryngkat bad u Local MLA ki la wan poi sha Khimusniang (Urkhla) da kaba kular ïa JSU ban pyntrei noh ïa katei ka surok. Ka Dorbar Shnong kam pyrshah ban pyntrei ïa katei ka surok, kaba sngewsih ka long khlem da pyntip shuwa lane khot ïa ka Dorbar Shnong Khimusniang.
Ka Dorbar Shnong Khimusniang, Jowai ka pynkynmaw na ka por sha ka por bad mana hangne ba kino kino ki NGos/ki Associations / Tah Poster lane kino ki jait kam kim dei ban leh kano kano ka kam kaba hap hapoh u pud u sam ka Shnong khlem da ïoh jingbit lane khlem ka jingtip ka Dorbar Shnong Khimusniang.
Ka Dorbar Shnong Khimusniang, Jowai ka Kyrpad ïa baroh ki Departments jong ka sorkar ban ïa snoh kti lang bad ka Shnong da kaba kyrpad ïa ki Departments bapher bapher jong ka Sorkar ba kino kino ki scheme lane ki projects kiba phin pyntrei hapoh u pud u sam jong ka Dorbar Shnong ba phin sngewbha ban ai jingtip shuwa sha ka Dorbar Shnong, ha kajuh ka por ruh ka shnong ka khang pyrshah ïa ki riew shimet, NGos, Association, ban pan Schemes na ki MLA/MDC/Govt. Departments khlem da ïoh jingbit lane ïaid lyngba na ka Dorbar Shnong Khimusniang, namar ba ka Dorbar shnong kala dep ban submit ïa shibun ki Schemes na ka por sha ka por sha ki MLA/MDC/Govt. Departments.
Ka shnong ka kyrpad sa shisien ïa baroh ban snoh kti lang bad ka Dorbar Shnong Khimusniang. Lada lap ba ki ïaid lait bad pyrshah ïa ka Shnong shisien don yn pynsangeh ïa kano kano ka kam ba ki pyntrei kiba hap hapoh u pud u sam jong ka Dorbar Shnong Khimusniang. Pynkut ka kyrwoh na u ma T.S. Bamon uba dei u Waheh Shnong ka Dorbar Shnong Khimusniang, Jowai.