Ka Seiñ Kur Dkhar na ka shnong Barato kala pynshai paidbah ha ka jingiadei bad ka jingmih khubor ha kawei na ki website (Social Media) haka 20 tarik Dec 2023 , Heading “Khlad uba na Barato hadien ba shah pam da ka wait ha ki boo bad ki Kpa” u ba paw kyrteng da u Khrawbok Dkhar uba la shah pam ha ka 18 Dec 2023, bad ba la iap ha ka 20 Dec 2023 na ka Shnong Barato, une u briew u dei u jait Tyngkan. Ka kur kala ong ba une u dei u khun jong ka kong Yol Tyngkan bad u (L) Bli Situng, une u briew u dei u para ar kmie bad u Shidorki Tyngkan uba shah bom iap ha ki paidbhur ha ka 11th Sept 2022 ha ki thaiñ Shangpung, uba shong ba sah ha ka Dong Barato-C, Barato, West Jaintia Hills District. Ka Seiñ Kur ka la pynsngew ruh ia ka jingsngewsih ba na ka por sha ka por shait jia kum kine ki jingjia ha kaba ki briew kim burom shuh ia ka kur da kaba shu pynbud nam kumne ia ka kur Dkhar. “Naduh mynta la kyntu bad ha ka juh ka por la maham ba lada dangdon kum kine ki jingjia nangne shakhmat ka Kur Dkhar kam banse ban leh katkum ki kyndon aiñ pyrshah ia kito kiba pynbud nam ia ka kyrteng jong ka Kur ka Jait jong ngi, ia kane ka jingpynjah burom ia ka kur jong ngi, ngin sa leit sha ka aiñ khnang ban ioh ban sngewthuh ia ka jingleh jong ki, nga pynrem jur ruh ia kne ki jait kam sniew kam sang kiba long pyrshah ia ka longbriew manbriew, nga kyntu ruh ia ka Shnong bad ki VDP Shnong kumjuh ruh ia ka Police Outpost, kiba don ha Barato ba ki dei ban peit pyrman bha, khnang ba kine ki jait kam kin nym jia shuh nangne shakhmat”. pynkut ka kyrwoh na u Ma Sarlangki Dkhar waheh ka Seiñ Kur Dkhar ka shnong Barato.