Ka ‘Dak Community Development Program (DCDP) Mela’ ka dei kawei na ki prokram pynsngewthuh paidbah shaphang ki Skhim bapher bapher ba lah ban pynioh lyngba ka Department of Posts sha ki riew paidbah bad ia kum kane ka Mela la pynlong ha ka 13/01/2024 ha shnong Umiam ha jaka treikam jong ka Umiam Sub-Post Office.
Ha kane ka Mela la wan ban iashim bynta da ki 7 ngut ki Rangbah Shnong kiba long kum ki symbud kongsan.
Haba ai jingkren na ka liang u Simon Peter Dohling, uba dei u Development Officer (PLI/RPLI), Meghalaya Postal Division ula batai shaphang ki jingmyntoi jong ka Postal Life Insurance & Rural Postal Life Insurance products.
Na ka liang jong u Riten Kma u ba dei u Public Relation Inspector, Shillong GPO ula batai shaphang ki Postal Savings Schemes bapher bapher ba kynthup ia ka Dak-Ghar Niryat Kendra, Dak Seva Kendra, Speed Post and Parcel Post Services& India Post Payments Bank Services.
U Prasanta Kumar Dhar, Senior Postmaster; Shillong GPO bad u Yash Raj Singh, Inspector of Posts, Ri-bhoi Sub Division kila buh ka jingkyntu ia ki nongshong shnong jong ka jylla ban shim ia kine ki lad jingmyntoi kiba la pynioh lyngba kane ka tnat treikam jong ka sorkar pdeng.