Ka ophis District Tuberculosis Officer, East Khasi Hills District mynta ka sngi kala pynlong ia ka prokram “Food Distribution on Community Support Scheme for TB Patients” ia kaba la pynlong ha Social Service Centre, Bishop’s House Laitumkhrah.
Ka jingthmu jong kane ka prokram la long ban pynsngewthuh paidbah shaphang ka National Tuberculosis Elimination Programme bad shaphang ka skhim ba la plie thymmai ia kaba la tip kum ka Pradhan Mantri TB Mukt Bharat Abhiyan (PMTBMBA). Ka long ruh shi bynta ban pyntip halor ka jingshimkhia jong ka sorkar Pdeng na ka bynta ban pynsngewthuh shaphang ka jingdonkam jong ka imlang sahlang ban kner ka kti jingiarap sha ki nongpang TB.
