Na ka liang u BDO ka Wapung C&RD Block EJHD, uba peit iaka skim MGNREGA jong ka Lumshnong C&RD Block, Dr. T. Shylla, u la pynshai halor ka jingkynnoh ki VEC iong ka Lumshnong C&RD Block, kiba ong ba u BDO um shem la pyllait ia ki Bills ba kila dep pyntrei.
U BDO u la ong ia ki bills baroh la dep siew ne pyllait sha baroh ki VEC haduh u financial year 2023-24. Tang ba katkum ka jingkynnoh ki VEC dang sah (pending) ki bill naduh u snem financial year 2021-22, 2022-23 bad u 2023-24, kine ki dei ki jingtrei kiba dangsahteng, kiba ki VEC ki slem ban pyndep ia ka jingtrei bad ki slem ruh ban submit ia ki bill na ka liang jong ki sha ka ophis.
Ha kaba ia kine ki bill ruh da dep thep (enter) hapoh ka MIS ha u snem 2024-25, bad lah ban pyllait ynda la ioh ia ka fund jong u snem financial year 2024-25. Ka fund kaba ioh ha u Financial Year 2023-24 ruh la dep ban pyllait sha ki VEC. Katba ki bill jong ka Lumshnong C&RD ki dei ki bill jong u financial year 2024-25, kaba yn sa siew pat hadien bala ioh ia ka fund.
Ka long ruh kaba lyngngoh haba ia kine ruh la dep ban pynshai sha baroh ki shnong, ki VEC kiba hap hapoh ka Lumshnong C&RD, ha kaba u BDO u la ong ruh don bun kiba sngewthuh ia kane hynrei don katto katne ki VEC kiba kynthoh.
Kumta la kyrpad ia kita ki VEC ban kin wan sha ka ophis u BDO bad ban rah ruh ia kita ki Material Bills jong kita ki snem ba dang sahteng naduh u snem 2021-22, 2022-23 bad u 2023-24, khnang ban ioh ban pynshai ban tip, naba na ka liang u BDO u la dep ban pynlait lut ia ki bill haduh u snem 2023-24 lait noh ki Bill ba dang sahteng na ki VEC hi, na ka daw ka jingslem ka jong ki ban pyndep ia ka jingtrei ne ki slem ruh ban pynpoi sha ka ophis treikam u BDO.