U President jong ka Khasi Jaintia National Highway Truck Driver Union (KJNHTRU), u Bah Gayreth Jason Basaiawmoit hynne ka sngi ka 24 tarik ïaiong u la wan pynshai ha ki lad pathai khubor halor ka jingshah kynnoh halor ka jingleh donbor jong u kum u President ka KJNHDRU.
Haba kren sha ki lad pathai khubor na ka liang u President ka KJNHDRU u Bah Gayreth Jason Basaiawmoit u la ong ka jingpynshai u Treasurer ka Khasi Jaintia National Highway Truck Driver Union, u Bah Neiolin Ksoo ka long ka bym iahap satia namar u dei tang u Executive Member jong ka Seng um dei u Treasurer ka Seng.
Shuh shuh u la pynpaw haba iadei bad ka jingleit khynra trading license ia ki dukan ha Mihmyntdu Jowai ka dei halor ka jingud ki nongbylla ba kim ioh tulop na ki dukan bar jylla kiba don ha Mihmyntdu Jowai. U la ong u khlem leit kum uta u President jong ka KJNHDRU u leit namar ba u sngewkhia ia ki khun samla bym don kam don jam bad ki khlem ioh pisa hadien ba ki la trei ia ka kam na ki dukan bar jylla kiba don ha Mihmyntdu Jowai.