Ka Jaiñtia Student Union (JSU) Central Body hapoh ka jingialam jong u President ka la pynthymmai bad pynskhem ia ki nongkitkam ba thymmai jong ka Jaiñtia Student Union (JSU) Narpuh Circle ka ba long mynta ka sngi 09.11.2024 ha ka shnong Mynkre East Jaiñtia Hills.
Ia ka jingialang ba lyngkot la pyniaid da u Ryngkatbor Diengdoh Disciplinary Secretary (Central Body) bad la ioh ia ki kyntein sneng da u Ex – President ka seng uba long ruh ha kajuh ka por u Adviser ka seng u Elnathan Pale ki jingkren lyngkot na u Livingson Sama (President Khliehriat Circle) bad na u Tricky Mukhim Finance Secretary Central Body.
U President Rangbah ka seng u kren halor ka nongrim jong ka seng bad ruh u ban jur ha ka ba iadei ban ia tylli ki dkhot ka seng kiba don ha kylleng ka ri Jaiñtia. Ha kajuh ka por u la pynbam smai bad pynskhem ia ki nongialam ba thymmai jong ka JSU Narpuh Circle bad u kitbok kitwriang ia ki ba kin trei shitom ia ka kam jong ka jaidbynriew.
La ioh ruh ia ka jingkren na ki nongialam ba thymmai ka Circle bad pynkut ia ka jingialang da u Andy Sumer Office Secretary Central Body.
Ki nongialam ba thymmai jong ka Narpuh Circle ki long, President Franky Lamare, Vice President Mac Merald Suting, General Secretary, Cherimiki War, Assistant General Secretary Firose Siangshai, Organising Secretary Leborious Pohshna, Publicity Secretary Fighting Pajuh, Sport Secretary Lastborn Lamare, Education Secretary Deibormi Mynthoi, Finance Secretary, Heimonmi Tariang bad 10 ngut ki dkhot ka Executive Committee.
