Ka Jaintia Student’s Movement JSM Western Region hynnin ka sngi kala ioh lad ban pynskhem ia ki nongkitakm thymmai jong ka Ummulong, Wahiajer Unit ha ophis treikam jong ka Western Region.
Ia ka jingialang ha kane ka sngi la pyniaid da u Shanskhem Suchiang uba dei u Secretary JSM Western Region ha ka jingiadon ryngkat u Kitbok Bamon, Education Secretary Western Region, u P.S. Phawa, Chief Organising Secretary ka JSM Central Body, kumjuh ruh la iadon ryngkat ki nongialam na ka Jowai Circle.
Na ka liang jong u P.S. Phawa ula ai jingkren halor ki mat treikam jong ka JSM bad ruh ia ki kyndon kiba kane ka seng ka trei.
Ia ki nongkitkam thymmai kane ka Unit la pynbam smai da u Jimmiral Kharmutee uba dei u Working President ka Central Body. Ula ai ruh ia ki kyntien kyntu kynpham ia baroh kine ki dkhot thymmai, ula buh ruh ka jingkyntu ia ki ba ki dei ban ai ka jingshakri kaba hok ia ka imlang ka sahlang.
Ki nongkitkam ki kynthup ia u Wompher Phawa kum u President, u Syiemki Supuh Vice President, u Pynyolad Dhar Organising Secy, u Heimi Supuh Secretary General, u Kynmo Lang Phawa Discipline Secretary, u Phinko Shylla Asst Secretary, u Pyniar Talang Sport Secretary lem bad ki 9 ngut ki Executive Committee Member ka Unit.
Kane ka long katkum ka kyrwoh ba la phah da u President Ummulong Wahiajer Unit u Wompher Phawa.