Mynhynin ka sngi ka Dorbar Shnong jong ka Namdong-B ka la pynskhem iaki nong kitkam jong ki Khun Samla ka Shnong ki ban shim ia ka lyngkor ban pyntyllun ia ki kam Shnong ha kaba iadei bad ka jingshakri ia ka Shnong khamtam ban tynrong lem ia ki para Samla ka Shnong ba kin im ha ka lynti ka hok bad ban lait na shibun ki jingsniew kiba ap thap ia ki para Samla.
Hakatei ka sngi la pynskhem ia ki Nongkitkam jong ki khun Samla da u Waheh Shnong ma D. S.War ha ryngkat ka jingiadon lang ki nongialam Shnong bad ki paid nongshong shnong.
Ha katei ka sngi la iadon lang u General Secretary ka KSU Namdong Area Unit Samla Juhhi Tariang. Haba ai ka jingkren ha katei ka sngi u Waheh Shnong u la kyntu ia ki Samla ban long kiba adkar kiba sngewrit ka mynsiem bad kiba iai minot ban im ha ka lynti jong ka jingbha bad ban iarap ban hikai lem ia kiwei pat ki para samla ban im ha ka lynti ka jingbha, kum ki khun samla kiba kit ia ka kam shnong shibun ki ban bein ki ban kynnoh shibun ki jingeh kiba kin kynduh, kumta dei ban long kiba iaishah lyngba ka jingiaishah yn sa ioh ia u soh jong ka jingjop .
Ha katei ka sngi la pynskhem ia ki nongialam ba pura ka Seiñ Khynroo Namdong-B ba kynthup ia kine harum:-
Bhabok sungoh- President
Mantre Pyrtuh – vice president
Maywil Lamare – General Secretary
Heibor lamare Asst Secretary
Riskem Pale – Tresurer
Ki dkhot ba kynthup ia u Marbiangki War, Watbor Pale, Charli pale, Ephas Pale,Threestar Pale, Risuk Pajuh, Chanmi Lamare, Sambun Thubru, Saibor Shylla, Damehi Nongrum, Humblemi Lamare, Kermiki Pale, Markus Pale, Rimilan War, Wompher Nongtdu, Fabian Pyrtuh bad Deimonmi Lamare.