: Ka District Legal Services Authority (DLSA), West Jaiñtia Hills District kum shi bynta jong ka 100-Days District-Wise Action Plan for Prevention of Child Marriages in Meghalaya, hapoh ka National Legal Services Authority (NALSA) (ASHA – Awareness, Support, Help and Action) SOP bad ka Bal Vivah Mukt Bharat Campaign, kila pynlong ïa ka prokram pyngewthuh ne jingtip paidbah ha Iawmusiang Market, Jowai, halor ne shaphang ki jingma bad ki jingktah jong ka jingïathoh shong kurim khynnah (child marriage), ryngkat bad ki jing shah pynshitom katkum ka aiñ, kumjuh ruh ban pynpaw ruh ïa ka jingdonkam ban ïada ïa ki hok jong ki khynnah.
Ka kong D.G. Kharshiing, Secretary ka District Legal Services Authority, West Jaiñtia Hills District, kala batai shaphang ki jingthmu jong ka DLSA da kaba ong ruh ba kane ka ophis ka ju pynlong bun jait ki prokram jingïarap ne jingtip ban ïarap ïa ki paidbah ban sngewthuh ïa ki hok bad ki jingïarap ba ki dei hok ban ïoh. Ka la ong ruh ba ka ophis ka ai jingïarap (free legal aid) bad jingïarap sha kito kiba donkam. Ka la ong shuh shuh ba kane ka prokram jingai jingtip shaphang ka jingshongkha khynnah ka dei shi bynta jong ka jingialeh ban ïada bad pynduh ïa ka, da kaba pynsngewthuh ïa ki paidbah bad da ka jingïashim bynta lang jong ka imlang sahlang.
Ka la pynpaw ruh ba kum kine ki sienjam ki long kiba kongsan bha ha kane ka Distrik, namar ba la don shibun kum kine ki jingïathoh khynnah.
Ka kong H. Sumer, Protection Officer ka DCPO, kala kren shaphang ki kam bad ki bynta jong ka District Child Protection Unit (DCPU)bad ka jingïarap kaba ki ai na ka bynta ka jingbha bad jingïada ïa ki khynnah. Ka la pyntip ruh shaphang ki jingïarap kiba don na ka bynta ki Children in Need of Care and Protection (CNCP) bad ki Children in Conflict with Law (CCL).
