Hadien ka jingialang jong ka Buisness Advisory Committee (BAC) jong ka Meghalaya Legislative Assembly, u Lamphang ka Ïing Dorbar thaw aiñ ka Jylla, u Thomas A. Sangma u la pyntikna ba ka Dorbar Synrai (Autumn Session) kan sa long ha une u bnai ban wan, kata naduh 8-12 Nailur 2025.
Ha katei ka jingialang la don ryngkat da u Symbud Myntri Rangbah ka jylla, Bah Prestone Tynsong, Mukul Sangma uba dei ruh u Nongïalam ka liang pyrshah (lyngba ka video conference), Bah Lahkmen Rymbui bad Bah Charles Pyngrope.
U Lamphang u la iathuh ba katei ka Dorbar kan iaid tang 5 sngi namar ki kam ruh ki kham sting na ka bynta kane ka samoi ha kaba la buh 3 sngi na ka bynta ki Government buisness bad 2 sngi na ka bynta ki private member buisness. Shuh shuh u la ong ba katkum katei ka tarik, la mynjur bad rai lang da baroh kynthup ia ka liang pyrshah.
