Ka Synjuk Waheh Chnong Jowai (SWCJ) kala ioh ban pynlong ia ka General Meeting jong ka ha ka 15/01/22 ha Community Hall jong ka Dorbar Shnong Loomsooyung New Hill, Jowai na ka bynta ban pynsngew ia ka Audit Report bad kumjuh ruh ban jied ia ki nongkitkam thymmai jong ka Synjuk ki ban treikam na ka bynta u snem 2022-2023.
Haba ai ia ka Report jong ka Audit lyngba u ma Titos Bamon u Waheh Shnong jong ka Khim-u-Sniang uba dei u dkhot jong ka Auditorial Board ula pyngsngew ia baroh ki jingioh bad ki jingpynlut jong ka Synjuk. Ki jingkheiñ jingdiah baroh ki long kiba beit bad ryntih bad la pdiang hun ia kane ka Report jong ka Auditorial Board.
Ha shwa jong ka jingjied ia ki nongkitkam ba thymmai jong ka seng la ioh ka jingkren na u President ka seng u ma Alan Niangti, Waheh Shnong ka Loompyrdi Iongpiah, uba la pynpaw ka jingsngewnguh ia baroh ki para dkhot kiba la trei shitom na ka bynta ka jingbha jingmiat ka shnong ka thaw bad ka Sor Jowai hi baroh ka wei. U la ong ruh ba ka seng ka la dep ban leh shibun ki kam wat hapdeng ka jingeh ba bun kum ka jinglyngshop jong kane ka khlam Covid-19 bad ka jingialehthma ha kaba iadei bad ki jakhlia kaba la juh wanrah jingeh manla ka por ia ka nongbah Jowai. Ula kyntu ruh ia ki dkhot jong ka Synjuk ba kin shimkhia ban pyniaid beit pyniaid ryntih ia ka Ambulance kaba la pynioh da u MLA ka Jowai u ma Wailadmiki Shylla.
La ioh ruh ka jingkren na u Secretary ka Synjuk u ma Riquoma Rq. Laloo, Waheh Chnoŋ Panaliar Jowai, uba la ai ia ka Detail Report jong u halor ki jingtreikam jong ka Synjuk naduh ba sdang haduh mynta.
Ia ka report na ka Ambulance Committee la ai da u Secretary ka Committee u ma Ryum T. Khonglah, Genl. Secretary ka Dorbar Shnong Mynthong, uba la ai khublei ia baroh ki dkhot jong kane ka Committee bad ula kyntu ruh ia ki ban shim khia ban wad ki lad ki lynti ban pynioh kam ia kane ka Ambulance. Ula ong ruh ba ka Ambulance jong ka Synjuk ka iaid ha ka dor kaba jem haba ianujor bad kiwei pat ki Ambulance.
La ioh ruh ia ka report na u Treasurer ka Synjuk u ma Dame H. Pde Waheh Shnong ka Chilliangraij uba la pynpaw ia ka jingdon jingem jong ka Synjuk bad ula kyntu ruh ia ki dkhot ban nang trei shitom shuh shuh ha kine ki snem ban wan.
Ha kane ka jingialang la ioh ban jied ia ki nongkitkam ba thymmai jong ka Synjuk na ka bynta u snem 2022-2023 kumne harum:-
President —– Shri Alan Niangti, Waheh Chnoŋ, Loompyrdi Iongpiah Jowai
Vice President —– Shri Eddie S. Shylla, Waheh Chnoŋ Tympang Iawmusiang Jowai
Secretary —– Shri Riquoma Rq. Laloo, Waheh Chnoŋ Panaliar Jowai
Assistant Secretary —– Shri Ryum T. Khonglah, General Secretary Mynthong Jowai
Treasurer —– Shri Dame H. Pde, waheh Chnoŋ Chiliangraij Jowai
Auditors —– Shri Lamphrang Pohktai, Waheh Chnoŋ Mynthong Jowai (Convener)
—– Shri Titos Bamon, Waheh Chnoŋ Khim u Sniang Jowai (Member)
—– Shri Jlan Kupar Rymbai, waheh Chnoŋ Loompariat Jowai (Member)
EXECUTIVE MEMBERS — Waroh ki Waheh Chnoŋ u man ki, ki Executive Members.
AMBULANCE COMMITTEE :
Chairman —– Shri Daniel Dan, Assistant Waheh Chnoŋ, Moosalyngkat Jowai
Secretary —– Shri Ryum T. Khonglah, Assistant Secretary, SWCJ
Members —– President & Secretary, SWCJ kam ki Ex-Officio
—– Shri Pyrkhat Shylla, Waheh Chnoŋ Mookyrdup Jowai
—– Shri Ricky Tariang, waheh Chnoŋ Moosalyngkat Jowai