Ka War Jaiñtia Social Welfare Organisation (WJSWO), Jowai kala ioh ban pynlong ïa ka jingïalang General Meeting ha kane ka 7.5.2022 na ka bynta ban jied bad pynthymmai ïa ki nongkitkam jong ka.
Hashwa ban pynlong ïa ka jingïalang kala don ka jingsngapjar kaba shi minit kum ka dak jong ka jingkynmaw burom ïa ki nongïalam jong ka Seng kiba la khlad noh na kane ka pyrthei, kiba kynthup ïa u Vice President ma Barrister Litting bad ïa u General Secretary ma Amos Khonglah kiba dang bat kam ha ka por ba ki khlad.
Ha kane ka kynti la jied President thymmai ïa u ma Johnson Pohrmen, Vice President ma Birthman Litting, Genl. Secretary Subas Dhar, Asstt. Secretary Macdonal Khonglah, Finance Secretary Anderson Manner, Publicity Secretary Lyonnie Sumer, la jied Advicer ar ngut ïa u ma Lamphrang Pohktai bad u Lop Pohtam, lem bad 10 ngut ki Executive Member.
Kane ka long katkum ka khubor ba la pyllait da u ma Lyonnie Sumer, Publicity Secretary.
