U ma K. Passah, District Sports Officer, West Jaintia Hills District ula pyntip ba ophis jong u ryngkat bad ka jingiatreilang bad ka West Jaintia District Sports Association kan sa pynlong ia ka District Level Inter School Athletic Meet, 2025 ha ka 23 haduh 25 tarik mynta u bnai (April).
Ia kane ka jingialehkai yn pynlong ha Kiang Nangbah Stadium, Ladthalaboh Dongmihsngi, Jowai.
Ka tarik kaba khadduh ban pynpoi ia ki entry form kan dei ha ka 10/04/2025. Ka sngi pynlong ia ka Screening ha ka 14/04/2025 bad ka tarik ba khadduh ban pynpoi i ka From II kan dei ha ka 17/04/2025. La pyntip ba yn ym pdiang shuh ia ki form kiba wan palat por.
Ha kaba iadei bad kane ka Meet na ka liang jong u DSO ula khot ruh ia ka jingialang jong ki Principal, Headmaster ba kin wan khlem pep sha ka jingialang ka ban long ha ka 7/4/2025 ha Kiang Nangbah Indoor Sports Hall ha ka por 1:00 PM, khnang ban ioh pynbeit ia ki kam kiba donkam.
Ia ki jingtip ba kham bniah lah ban phone ha u Number – 9402310523.