U Shivansh Awasthi, IAS, uba dei u District Magistrate jong ka East Jaintia Hills District hadien ka jingjia jong ka jingmih ki kynrum kynram bad ka jingpynpai EVM ha ki ar tylli ki shnong kata ha Wapungskur bad ha Bataw mynta ka sngi, ula hap ban pyntreikam noh ia ka kyndon 163 of the BNSS ban teh lakam ia ka shongsuk shongshngaiñ ha kitei ki jaka.
Katkum kane ka hukum la khang pyrshah ia ka jingialum briew kaba palat ia ka 5 ngut ha ka shnong Wapungskur bad ha Bataw.
La khang ia ka jingrah ia ki tiar siat bad kino kino ki tiar pynmynsaw, lait noh tang ia bor shipai kiba ai jingiada.
La khang ia uno uno u riew shimet ne ka kynhun ban pynthud pynwit ia ka leit ka wan jong ki paidbah.
La khang ia uno uno ne ka kynhun ban pynthud ia ki riew paidbah bad pynthut ia ka jingshong suk hapoh ka shnong.
