U District Magistrate, East Jaiñtia Hills District, ha ka hukum ba la pynmih katkum ka kyndon 163 BNSS, u la khang pyrshah ïa ka jingïadur masi lane kano kano ka jingïalehkai pynïashoh ïa ki mrad hapoh ka District baroh kawei jong ka East Jaiñtia Hills District.
La khang ïa kano kano ka jingïadur masi kum ha ki por ba pynlong Fete bad kiwei kiwei ki tamasa. Lada shah ban pynlong ïa kum kine ki tamasa ka long kum ka jingpynkheiñ ïa ka kyndon 11 jong ka aiñ ban ïada na ka jingshah lehbeiñ ki mrad, 1960 bad ka pynkheiñ ruh ïa ka rai jong ka ïingbishar ba ha khlieh duh jong ka ri India ha u snem 2014 ha ka jingshim bishar pyrshah ïa ka jingïadur masi.
Kane ka hukum kan treikam noh mardor tad haduh ban da pynmih da ka wei pat, la bynrap biang u District Magistrate.