Ki Nongialam jong ki Dorbar ki Syiem Lyngdoh Basan 12 Raid Saw Ksing Saw Lama Sarikrai ba hap hapoh ka Ri Bhoi District ha ka 17 tarik Rymphang 2025 ki la pynpaw ia ka jingpyrshah ia ka Khyrim Act.
Haba kren sha ki lad pathai khubor u Nongiaktien jong ki 12 Raid u Basan Enel Wahphlang u la ong na ka liang jong ki, ki pyrshah ia ki 3 tylli ki kyndon, kaba nyngkong ka jingpynduh ia ka Kyrteng Raid sha Ri Bhoi ia ki 12 Raid ha ka jaka Raid ki la thoh ba kin long noh tang ki shnad Raid, ka ba ar ka jingpynduh ia ka bor treikam jong ki ban peit ia ka khyndew ka shyiap ban peit ia kino kino ki jongiakajia jaka hapoh ka Raid, kaba lai ka jingpynduh ia ka longkur kiba dei ki longsan jong ka Raid kiba dang dei ki basan jong ka Raid.
Shuh shuh u Bah Enel Wahphlang u la iathuh ba na ka liang jong ki, ki la leit ai da ka jingthoh sha ka District Council ban peit ia kine ki 3 tylli ki kyndon ba ka kynhun ka pyrshah bad u la ong ruh katba kim pat lah ban pynbeit na ka liang jong ki, kin weng ia ka jingiatreilang bad u Syiem khyrim bad ki la rai ruh ba naduh mynta u snem kim shah shuh ia u Syiem ka hima Khyrim ban thoh phlang sha kine ki Raid bad ki la kyrpad ruh ia ki Rangbah Shnong ba kin ym ai shuh ia u Synniang.
Ka kynhun ka kyntu bad ïeng skhem ha ka nongrim katba ym pat lah ban pynbeit kin ym iakren bad u Syiem Khyrim haduh ba kin da weng ia ki 3 tylli ki kyndon kaba ki dawa ban pynbeit.
