Ka Green Tech Foundation (GTF) ha ka 04 tarik Rymphang 2026 ka la wan iakynduh Ia u CEM ka KHADC u Bah Winston Tony Lyngdoh haba iadei bad ka jingwanrah biang ia ka Eco Tourism Infrastructure Project kaba 23 klur ha Nongkhyllem.
Haba kren sha ki lad pathai khubor u Chairman ka Green Tech Foundation u H Bansiewdor Nonglang u la ong ba ia kane ka project la wanrah ha u snem 2025 hynrei lah dep ban pynsangeh pynban mynta u snem ia kane ka Eco Tourism Infrastructure Project la wanrah biang bad kaei ka jingmut kaba shalyndet ym lah shuh ban mutdur.
Nalor kata u la ong ba ka Green Tech Foundation ka la ioh ia ka shithi ba kan sa don ka jingialang ha ka 18 tarik Rymphang haba iadei bad katei ka project ha Nongkhyllem. U la ong ym tang ka Green tech foundation kaba pyrshah ia kane hynrei ki shnong ruh bun kiba pyrshah ban wanrah ia kane ka Project ha katei ka thain.
Shuh shuh u la ong ha Khasi Jaintia don sa tang ar tylli kata ka Narpuh Wildlife Sanctuary bad ka Nongkhyllem Sanctuary, u la ong lada phai sha ka Narpuh Wildlife Sanctuary la bun sa tang ki karkhana Cement bad ki mrad kiba don ha katei ka jaka ym tikna ban shong slem, bad mynta da ka juh ka rukom la mut ban wanrah da ki heh spah ban nion biang ia ka Wildlife Sanctuary. U la bynrap ia ka Nongkhyllem Wildlife Sanctuary ban pynlong ka jaka shimet ban kam trai mano mano wat phohsniew bad klet noh ia kane mat.
Khatduh u la ong ka jingwan kynduh ia u CEM ka KHADC ka long ba ka KHADC ka don ia ka bynta kaba khraw khamtam haba iadei bad ka khyndew ka shyiap ha katei ka thaiñ bad u la ong ka jingiakren bad u CEM ka long kaba seisoh bad na ka liang u CEM un sa khot ia u Secretary ban ia pynbeit halor kane ka Eco Tourism Infrastructure Projects ha Nongkhyllem.
