Ka seng Hynniewtrep intergrated territorial organization (HITO) sengkmie ryngkat bad Hito Ri bhoi cirle mynta ka sngi ka 4 tarik Naiwieng 2024 ki la wan iakynduh ia u Director jong ka soil & conservation Zenedict D shira halor ka jingthmu ka sorkar ban pynkynriah noh ia ka ophis Conservation Training Institute CTI kaba don ha Byrni bad ban wanrah da ka industrial development.
Haba kren sha ki lad pathai khubor na ka liang u Shaniah S Nongrum Vice President jong ka Hito Sengkmie u la ong ba ka jingwan kynduh ia u Director jong ka soil ngi wan da ka shithi ka dei halor Ka jingthmu jong ka sorkar ban aiti noh ia ka ophis conservation training Institute kaba don ha Byrni ban pynkylla noh ia ka sha ka industrial area ha ka kyrteng kong ka roi ka par. Kaba pynsngewsih ia ngi ka seng ka long ba wat u Director um don jingtip ei ei u shu ong ba u iohsngew, kaba pynlyngoh ia ka seng ka long ba ka la ioh ia ka jingujor na ki ba bun balang wat ki nongtrei ki la tip tikna ban ai noh sha ki company na ka bynta ka roi ka par.
Na ka liang ka seng ngi la buh ia ka jingpyrshah kaba pynphylla shuh shuh ia ngi ka seng ka long ba ka sorkar ka la shna da ki committee bapher bapher kiba peit bad ki ban pynbha ia ka mariang, ka jingshna jong ki committee bapher bapher ban appoint ia ki chairman ne ki co chairman ka jingthmu jong ki pat ka don sha lyndet ban pynmynsaw ia ka mei mariang. Kumba long mynta hapoh ri bhoi ngi la shah ktah shibun namar ka jingdon ki industry ha ri bhoi ka la wanrah shibun ki jingeh ia ki nongshong shnong. Lada ia katei ka jaka ki thmu ban buh industrial kaba nyngkong kan ktah ia ka mei mariang , ka jingitynnad jong ka mei mariang ki sim ki doh kiba don hangto ki nongshong shnong khamtam ka jingroi bad ka jingkiew jong ka jingpang ba ha rukom ki tdem kiba mih na kato ka karkhana ki nongshong shnong ki ring mynsiem da ka tdem suda.
Ka jjngpynriah ia katei ka ophis na ka liang ka sorkar kam dei tangba ka ai sha ki industrial area kaba don 72 hectare da ka jingthmu ban pynkynriah sha shillong ka long ruh ka jingduh nong bakhraw ia ka thain ri bhoi namar ba wat ia ki ophis ki bym don na ka liang ki seng bad ki nongialam jong ka ri bhoi ngi dang kwah ba ka sorkar kan wanrah shuh shuh ki ophis ha ka thain ri bhoi na bynta ka jingioh kam ioh jam jong ki khun samla jong ka bri hynniewtrep.
Na ka liang ka seng ka pyrshah jur ia kane ka jingleh ka sorkar bad ka jingpynkynriah mynta ia katei ka ophis ka la iaid shaid bad ka jingthmu jong ka sorkar ka long ban die da ki hajar klur bad lada ka sorkar kam sangeh na ka liang ka seng kan sa shim da kiwei ki ki sienjam ba kham tyngeh.