Mynta ka sngi ki khynnah skul jong ka Rud Myntdu LPS SSA kila mih sha ki surok na ka bynta ban pyrta paidbah ha ki dong ki lad ban pynsngewthuh sha ki nongshong shnong ia ka jingsniew jong u sikret bad u duma.
Ha kane ka jingiaid rali ki khynnah skul la synran lang da ki nonghikai, ha kaba la rah lang ia ki placard ba don ia ki dur ki dar kiba lah ban pynpyrkhat ia ki paidbah shaphang kumno ban iehnoh ia ka jingpyndonkam ia u duma.
Kane ka dei ka prokram ha kaba baroh ki jaka pule jong ka Jylla ki hap ban leh kaba dei ruh ka thong jong ka World No Tobacco Day 2024, kaba la bthah da ka ophis treikam jong u State Project Director, SSA & Director of School Education and Literacy, Meghalaya Shillong.
Ka mat pdeng jong kane ka prokram ka long “My Meghalaya, Tobacco Free Meghalaya”. Ha kane ka prokram la leh ruh ia ka Signature Campaign.
