Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament- 2023’, kaba la poi sha ka jingïakhun Quarter Final bala pynïaid da ka ophis u District Sports Officer (DSO) West Jaiñtia Hills District, Jowai ha Kiang Nangbah Stadium, Dongmihsngi Jowai.
Haba phai sha ka jingïakhun Quarter Final mynta ka sngi 29 tarik ha ka kyrdan Under-17 ki kynthei ka Kiang Nangbah Govt. H/S School kala lah ban pynliem da 4-0 kol ïa ka Jaiñtia H/S School. Ka Police Public Sec. School kala jop da 3-1 kol ïa ka Achiever’s Sec. School da ka jingïashut Tie breaker. Ka Jowai Govt. U/P & RMSA School kala pynliem da 3-2 kol ïa ka Ummulong Presbyterian H/S School da ka jingïashut Tie breaker.
Katba ha ka jingïakhun jong ki khynnah shynrang Under-14 ka Lumpyrtuh Sec. School kala pynliem da 1-0 kol ïa ka North Liberty H/S School. Ka Laishnong H/S School kala pynliem da 2-0 kol ïa ka Marian Hills H/S School bad ka H.K. Singh Memorial Sec. School kala pynliem da 4-2 kol ïa ka Govt. Boys H/S School da ka jingïashut Tie breaker.
Lashai ka sngi 30 tarik ka jingïakhun Quarter Final jong ka kyrdan U-17 ki khynnah shynrang bad ki khynnah kynthei.