Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 3 tarik u Risaw ha ka jingïakhun Quarter Final ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong naka liang ka kynhun ïalehkai jong ka Panaliar kala pynliem da 2-1 kol ïa ka Rising Sun Mukhla, ïa ki kol na ka Panaliar la thep da u Samhame Sumer haka minit ba 39 bad u Pynskem Shylla haka minit ba 59. Ïa ka shikol na ka Rising Sun Mukhla la thep da u Stopper Bang haka minit ba 69.
Katba ha ka jingïakhun kaba ar ka Lumbhahdakha Wahiajer kala pynliem da 3-0 kol ïa ka Madankynsaw Mawkyndeng, ïa ki kol na ka Lumbhahdakha Wahiajer la thep da u Rimiki Dhar haka minit ba 58 bad u Gideon Mukhim haka minit ba 62 & 66.