Ka NorthEast United FC ka la ioh rah ïa ka nam lahduh jong ka Durand Cup ba 133rd da ka jinglah jong ka ban pynliem ïa ka Mohun Bagan lyngba ka penalty da 4-3 kol ha ka jingiakhun ba long ha ka sngi Saitjain, ha Vivekananda Yuba Bharati Krirangan Stadium, Kolkata.
Haba phai sha ka jingïakhun jong ka kylla step ka Mohan Bagan Super Giants ka la ioh thep ar kol, kata kawei lyngba ka penalty kaba la ioh ha ka 12 minit, ba la shut da u Jason Cummings. Hadien kane ka la ioh biang ban thep ïa ka kol ka ba-ar lyngba u Sahal Adbul Samad.
Ha ka kylla miet ka jingïalehkai ka NEUFC ka la sei ia u Guillermo, u ba dei u nongthep kol ba buntam ha ka Durand Cup 133rd, ka jingmih madan jong u, ka la pynkylla ïa ka rukom ïalehkai ka NorthEast United FC, Ha ka minit kaba 59, u Ajarie u la ioh ban thep ïa ka kol ba nyngkong, la pynbud sa ka kol u Guillerma uba la ioh thep tang hadien da ki Second ka kol ba nyngkong, ban pynïakhaid ïa ka jingialehkai da 2-2 kol.
Ka Northeast United FC ka la khur ia ka song pisa ka ba 60 lakh ha ryngkat ka trophy, katba ka Mohun Bagan Super Giant ka ba wan ba ar ka la ioh ia ka song ka ba long 30 lakh ryngkat ka trophy.
Kumban shu pynkynmaw ka Mohun Bagan Super Giant ka dei ka ba la bat Champion ha u snem ba la lah, ha ka Durand Cup.