Ka Ehrngiew FC ka la ioh ban rah ia ka nam lahduh hadien ba kala pynliem ia ka YBSC Shella da 3-0 ha ka jingialehkai jong ka Final Football Tournament ha Wahiajer hynnin ka sngi.
Ia kine baroh 3 kol ka Ehrngiew FC la ioh ban thep da u Robert Khongjoh jersey number 10, u lah ioh ban thep ha ka minit kaba 23, 60, bad 66, ha kaba u la ioh ban khur shi shisyndon ia ka nam man of the Match.
Ha kane ka sngi pynhap pyrda ia kane ka final football la wan ban pynhap pyrda da u ma Sniawbhalang Dhar Myntri ka sorkar Meghalaya kum u kongsan. La iadon ryngkat u ma Wailadmiki Shylla kum u symbud kongsan ha ka jingiadon lang ki MDC ka JHADC naduh u Ma Jesse Suiam, ma Lakhon Dkhar, ma Ailad Bhoi, ma Evening Tron, lem bad u ma Khrobok Pasah DSO West Jaintia Hills, ma Lammat oo Laloo General Secretary WJDSA bad kiwei dei ki riew Rangbah.
Ia ka nam Best Player lah ioh da u Henry Myrboh na ka Ehrngiew FC, Best Goalkeeper la ioh da u Eric Nongkhlaw na ka Ehrngiew FC bad ia ka nam Top Scorer jong kane ka Tournament lah ioh rah da u Samson Nongrum na ka Azariah FC. Ka Ehrngiew FC kala ioh rah da ka song pisa ba 2 lak bad ka trophy bad ka YBSC Shella ka la ioh rah 1 lak bad ka trophy.