Ka 2nd St.Joseph’s School Nongtalang Knockout Football Tournament 2021 kala poi sha kaba kut ha ka 18.12.2021, ha ka jingialeh final hapdeng ka KSU War Jaintia pyrshah ia ka Lamare SC.
Ha katei ka jingialeh final, ka jingialehkai ka long kaba shongshit haduh katta katta ha kaba ka Lamare Sc ka la ioh ban rah ia ka nam lah jop ryngkat bad ka khusnam Lailak Tyngka lem bad ka Trophy, katba ka KSU War Jaintia kala shah jop da 1:0 kol ha ka Lamare Sc, kumta kum ka team kaba shah jop kala ioh ia ka khusnam Arlak Tyngka.
Ha katei ka Tournament napdeng ki player rang kynsai, u ba ioh rah ia ka nam Top Scorer u long u samla Daman Chyne na ka kynhun Wandikynjai Fc, katba ia ka Best goal keeper la ioh rah da u samla December Khongjoh na ka Kynhun Turiap Fc bad ia ka Man of The Match la ioh rah da u samla Kenstar Kharshnong na ka kynhun Lamare Sc, katba ia ka Player of The Tournament la ioh rah da u samla Brolinton Warlarpih na ka kynhun Lamare Sc.
Ha ka ialehkai pynkut, la wan ban pynhap pyrda ia ka tournament da u MLA ka Thaiñ u Ma Lahkmen Rymbui u ba long ruh u Minister ka MDA, ha ka jingdon lang ki nongkitkam ka skul, ki riew Rangbah bad kiwei kiwei.
