Mynta ka sngi 17/12/2025 la lah ban pynhap pyrda noh ia ka 8th inter-dong football tournament 2025 bala pyniaid da ka Seng Samla Khlachympa Sports and Cultural Club Nongtalang. Ki kynhun kiba iaknieh ia ka nam lahduh ki long hapdeng ka New Nonglamin Sport Club pyrshah ia ka Banan Sport Club haka por shi baje nohphai sngi ha madan Nongtalang.
Ha ka jingiakhun ka New Nonglamin SC kala pynliem iaka Banan SC da 1-0 kol bad rah syndon iaka nam lahduh (Champion) mynta u snem. Ia Kane ka shi goal la ioh ban thep da u Tariang Lyngdoh.
Ka jingialehkai mynta ka sngi ka long kaba itynnad shisha bad pynhun ia ki nongpeitkai, wat la ki rangialehkai jong ka Banan SC kila pyrshah ban thaw ki lad ki lynti ban ioh thep goal hynrei haduh bala kut kim shym ioh lad na ka jingkhanglad bad jingtbit jong ki rangialehkai ka New Nonglamin SC.
Ia ka Namtam (Man of the match) mynta ka sngi la ioh rah da u Tariang Lyngdoh naka New Nonglamin SC, ia ka best goalkeeper la ioh rah da U Requelme Padu jong ka New Nonglamin SC, iaka best player of the tournament la ioh rah da u Sagor Hajong jong ka New Nonglamin SC, ia ka best top scorer la ioh da u Wanbor Lakachiang jong ka Chnongthmai SC, ia ka khusnam senior most player la ioh da u Peter Pohchen jong ka Amlariang SC bad iaka discipline team la ioh khur da ka Amlariang SC.
Ha kane ka 8th inter-dong mynta ka kynti la wan ban pynhap pyrda ia ka, da u bah Nibaron Khongbinan, Vice-President NPP Pynursla Block kum u kongsan (chief guest), haka jingiadon lang u Local MDC ka war-central constituency u bah Jamshaphrang Pohtam kum u symbud kongsan (guest of honour) lem bad ka jingiadon ryngkat lang u bah Sanjeev Kongwang u Rangbah Shnong ka Umsyiem, East Khasi Hills, u ma Ferdinand Mukhim general secretary jong ka Nongtalang Khlachympa bad kiwei kiwei de ki riew rangbah.
Ha kane ka sngi la wan ban pynshit pynsyaid ia kane ka jingiakhun da ka jingrwai na ka samla Abigail Lyngdoh Talang.
