Ka ophis jong ka District Sports Officer (DSO) Khliehriat East Jaintia Hills District ryngkat ka jingiatreilang ka ophis u Deputy Commissioner, East Jaiñtia Hills District, kum shibynta ka jingrakhe lehkmen ia ka Azadi Ka Amrit Mahotsav, kila pynlong ia ka jingiakop mareh kaba la tip kum ka Fit India Freedom Run 3.0 kaba la pynlong ha Khliehriat, ha kaba da ki spah ngut ki samla kiba kynthup ia ki khynthei bad shynrang kila wan ban ia shim bynta sha kane ka jingiakop. Ka kong S. M. Rapsang kaba long ka District Sports Officer, EJHD, kala kaweh ia ka lama jong kane ka Fit India Freedom Run 3.0, kaba la sdang ka jingmareh na ka ophis barim Deputy Commissioner Office, Khliehriat shaduh Rymbai PHC bad wan biang ban pynkut ha katei ka ophis DC.
Hadien kane la sam ia ki khusnam sha ki nongjop da ka DSO bad kiwei, ha kaba na ka liang jong ki shynrang ha ka kyrdan nyngkong la jop da u Kordor S. Mannar, kyrdan ba-ar da u Joseme Ryngkhlem bad ha ka kyrdan ba lai la jop da u Miki Pdein.
Katba na ka liang ki khynthei pat ia ka kyrdan ba nyngkong la jop da ka Phyrnai Kyndait, ba-ar da ka Lamsuk Phawa bad ba lai pat la jop da ka Rosy Sana.
