Ka samla Daka Hipaya Lyngdoh ka la ioh ban rah ia ka nam lahduh ha ka lympung iakhun Boxing kaba la tip ka R.E.C. Combined National Talent Hunt Boxing 2024-25 kaba la pynlong ha Haryana naduh ka 6 haduh 22 tarik mynta u bnai, na ka bynta ka Elite, Youth, Junior bad Sub Junior kaba la pynlong da Boxing Federation of India.
Ka samla Daka Hipaya Lyngdoh, ka la jop haka kyrdan 52 kg, ka Daka ka dei na ka West Jaiñtia Boxing Association (JBA), kaba na nongbah Jowai kaba shong ba sah ha Caroline Colony, Ladthadlaboh, Jowai.
Na ka liang u President ka West Jaiñtia Boxing Association (WJBA) u ma W. Ksoo bad ka Association hi baroh ki la ai ka jingkhublei bad kitbok kitrwiang ia ka samla Daka ba kan nangkiew shuh shuh sha phrang ha ka lynti iaid ka jong ka ha ki kam ialehkai sports.